AZUMI A MAHANGAR SHARIA(3)

بِسْمِ اللهِ الرَّحْمَنِ الرَّحِيم ، والصلاة والسلام على محمد وعلى آله وأصحابه ومن ولاه

Menene matsayin Azumin Ramdhana akan Musulmai, kuma akan suwa ya zama Wajibi?

Azumin watan Ramadhana  dayan Rukunine a cikin Rukunnan Musulunci kuma   Wajibi ne akan Musulmi , Baligi, mai Hankali kuma mai ikon yin Azumin.

Wajibine  Azumin Ramadhana a cikin Alqur’aani da Sunnah da kuma ijima’in Malaman musulunci.

A Alqur’aani Allaah yace”

قَالَ اللهُ تعالى:{يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ أَيَّاماً مَعْدُودَاتٍ فَمَنْ كَانَ مِنْكُمْ مَرِيضاً أَوْ عَلَى سَفَرٍ فَعِدَّةٌ مِنْ أَيَّامٍ أُخَرَ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ فَمَنْ تَطَوَّعَ خَيْراً فَهُوَ خَيْرٌ لَهُ وَأَنْ تَصُومُوا خَيْرٌ لَكُمْ إِنْ كُنْتُمْ تَعْلَمُونَ شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدىً لِلنَّاسِ وَبَيِّنَاتٍ مِنَ الْهُدَى وَالْفُرْقَانِ فَمَنْ شَهِدَ مِنْكُمُ الشَّهْرَ فَلْيَصُمْهُ وَمَنْ كَانَ مَرِيضاً أَوْ عَلَى سَفَرٍ فَعِدَّةٌ مِنْ أَيَّامٍ أُخَرَ يُرِيدُ اللهُ بِكُمُ الْيُسْرَ وَلا يُرِيدُ بِكُمُ الْعُسْرَ وَلِتُكْمِلُوا الْعِدَّةَ وَلِتُكَبِّرُوا اللهَ عَلَى مَا هَدَاكُمْ وَلَعَلَّكُمْ تَشْكُرُونَ} [البقرة: 183-185]

“YAKU WA’YANDA KUKA BADA GASKIYA, AN WAJABTA MUKU AZUMI,KAMAR YANDA AKA WAJABTAWA WA’YANDA SUKAZO KAFINKU, DOMIN KUYI TAQWA. KWANAKI KIRGAGGU,AMMA WANDA YAZAMA BASHI DA LAFIYA DAKA CIKUNKU KO KUMA YA ZAM MATAFIYI TO YA KIDAYA WASU RANEKUN DABAM, HAKA WANDA  BAZAI IYA YIBA TO YA BADA FANSA TA CIYAR DA MISKINAI, WANDA KUMA YAYI KARI AKAN FANSA TO SHINE MAFI ALKHAIRI A GARESHI,AMMA FA YIN AZUMIN SHINE YAFI ALKHAIRI.

WATAN RAMADHAN A CIKIN SANE AKA SAUKAR DA ALQUR’AANI WANDA SHIRIYA NE GA MUTANE,KUMA BAYANI AKAN SHIRIYA KUMA MAI RARRABEWA NE{tsakanin karya da gaskiya].

WANDA YA ZAMA YANA HALARCE WATAN YAZO A CIKUNKU TO YAYI AZUMIN,AMMA WANDA YAKE BASHI DA LAFIYA KO KUMA YA ZAM MATAFIYI TO YA KIDAYA WASU KWANAKIN[na daban]. 

ALLAAH YANA NUFIN SAUKI NE A GAREKU,BAYA NUFIN TSANANI A GAREKU,DON HAKA KU CIKA KWANAKIN KU, KUMA GIRMAMA ALLAAH AKAN SHIRIYAR DA YAYI MUKU, DOMIN KU ZAMA MASU GODIYA”.

Wan ayar itace take nuna Wajbcin Azumi akan Musulmai,kuma tana dauke da wasu  hukunce hukunce daya rataya da mai Azumin.

Haka kuma tana cikin Ayar data raba Azumi zuwa Marhala guda biyu(2).

A farko ana bada zabi ko ayi shi[Azumin] ko a bari,san nan kuma ayar baya tazo da wajabcin yinsa.

Yazo a cikin Bukhari da muslim daga Salamah Dan  Ak’wa’(r.a)  yace:

ففي الصحيحين عن سَلَمة بن الأكوع رضي الله عنه قال لما نَزَلَتْ: {وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ } كان مَنْ أرَاد أن يُفْطِر ويفْتديَ «يعني فَعَل» حتى نَزَلَتْ الآيةُ التي بَعْدَها فَنَسخَتْها يَعْني بها قولهُ تَعالى: {فَمَن شَهِدَ مِنكُمُ الشَّهْرَ فَلْيَصُمْهُ وَمَن كَانَ مَرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ} فَأوْجَب الله الصيامَ عَيْناً بِدُونَ تَخْيير.

“YAYIN DA AKA SAUKAR DA: "AMMA WA’YANDA ZASU SAMI WAHALA WAJEN YIN AZUMIN,TO SU BADA FANSAR CIYAR DA MISKINI’. 

SAI WANDA YAGA  DAMA YACI KUMA YA CIYAR .

HAR SAI DA AKA SAUKAR DA AYAR BAYANTA WACCE TACE: "DUK WANDA YA ZAMO WATA YA SHIGO YANA NAN, TO YA AZUMCESHI,KUMA WANDA YA ZAMA BASHI DA LAFIYA KO KUMA MATAFIYI,TO YAYI KIRGAR KWANAKIN DA YASHA. SAI ALLAAH YA WAJABTA AZUMI BABU ZABI”.

Daga Sunnar Manzon Allaah(s.a.w) kuwa:

Manzon Allaah(s.a.w) yace:

وقال النبي صَلَّى اللَّهُ عَلَيْهِ وَسَلَّمَ: «بُنِي الإِسلامُ على خَمْسٍ: شهادةِ أنْ لا إِله إِلاَّ الله وأنَّ محمداً رسولُ الله، وإقام الصلاةِ، وإيتاءِ الزكاةِ، وحَجِّ الْبَيْتِ، وَصومِ رمضانَ»، متفق عليه.

“AN GINA MUSULUNCI AKAN ABUBUWA GUDA BIYAR:

1- Shaidawa babu wanda za’a bautawa bisa cancnta Sai Allaah, kuma Muhammad(s.a.w) Manzonsa ne.

2-Tsaida Sallah.

3- Bada Zakkah

4- Zuwa aikin Hajji.

5-Azumtar watan Ramadhana.

A wata ruwaya ta muslim kuwa sai ya fara kawo Azumtar watan Ramadhana kafin aikin hajji.

Saboda wa’yan nan dalilai dukkan musulmai kuma suka hadu akan cewa Azumin watan Ramadhana Wajibi ne.

Azumin Ramadhana yana zama wajibi ga Musulmi da shigowar Watan,wato ganin Jinjirin Watan,ko kuma cikar Watan Sha’abana kwana Talatin(30).

Da zarar daya daga cikin wa’yan nan ya faru,to Azumi ya zama dole akan al’ummar musulmai.

Alqur’aani yace”

فَمَن شَهِدَ مِنكُمُ الشَّهْرَ فَلْيَصُمْهُ

“DUK WANDA YA HALARCESHI(watan Ramadhan) TO YA AZUMCESHI”.

San nan Manzon Allaah(s.a.w) yace:

«إِذَا رأيتُمُ الهلالَ فصوموا»

“IDAN KUKAGA JINJIRIN WATA,TO KU AZUMCESHI”.

Wan nan kuma baya nufin kowa sai yaga Watan da idonsa kiri kiri bane,matukar wani ya gani,kuma hukuma ta bada Sanarwa to Wajibi ne akan Musulmai su dauki Azumin.

Zamuci gaba inshaAllaah.

نسأل الله تعالى أن يجعلنا وإياكم من عتقاء النار وأن يرحمنا ويغفر لنا وان يعيد علينا رمضان مرات عديدة وكرات مديدة.

وآخر دعوانا أن الحمد لله رب العالمين